{"id":14255,"date":"2021-05-20T13:00:00","date_gmt":"2021-05-20T13:00:00","guid":{"rendered":"https:\/\/news.limearchive.org.uk\/?p=14255"},"modified":"2021-06-09T13:31:42","modified_gmt":"2021-06-09T13:31:42","slug":"eisteddfod-festival-call-out-get-stitching","status":"publish","type":"post","link":"https:\/\/news.limearchive.org.uk\/cy\/eisteddfod-festival-call-out-get-stitching\/","title":{"rendered":"Eisteddfod Llangollen yn Galw \u2013 Ewch Ati i Bwytho!"},"content":{"rendered":"

Mae’r artist rhyngwladol Luke Jerram<\/a> yn bwriadu defnyddio ffabrig i weddnewid pont Llangollen \u2013 yn y llun rhoddir syniad o sut y bydd y gwaith celf yn edrych ar \u00f4l ei gwblhau.<\/p>\n

Mae Eisteddfod Llangollen yn galw am bobl i roi help llaw i drawsnewid Pont nodedig Llangollen yn waith celf enfawr er mwyn lansio g\u0175yl eleni.<\/p>\n

Mae’r Eisteddfod wedi comisiynu’r artist rhyngwladol o fri Luke Jerram i greu’r gwaith celf newydd. Mae’n bwriadu lapio’r bont 60 metr o hyd mewn clytwaith anferth sy’n adlewyrchu crefftau a diwylliannau Cymru ynghyd \u00e2’r cenhedloedd sy’n cymryd rhan yn yr \u0175yl. Er y bydd yr \u0175yl yn cael ei chynnal ar-lein yn bennaf eleni, gobeithiwn y bydd y bont drawiadol hefyd yn denu pobl i ymweld \u00e2’r dref yr haf hwn.<\/p>\n

Bydd gwaith celf newydd Luke Jerram ar y bont yn cysylltu ac yn ymestyn creadigrwydd yr Eisteddfod allan o\u2019r maes, i\u2019r dref, gan drawsnewid a bywiogi Llangollen i\u2019r byd i gyd ei weld.<\/p>\n

Rydym yn cynnig cyfle i chi gymryd rhan, trwy ofyn i chi wneud eich sgwariau ffabrig 1m x 1m eich hun a fydd yn cael eu pwytho gyda’i gilydd a’u hongian dros y bont. Yn ddelfrydol dylai’r clytweithiau fod yn drawiadol eu dyluniad, fel eu bod yn sefyll allan wrth eu gweld o bell.<\/p>\n

Er mwyn i’ch darn clytwaith gael ei gynnwys ar y bont, mae angen iddo gael ei ddanfon i fynedfa Penddol ger safle Eisteddfod Llangollen erbyn 30 Mehefin 2021<\/b>.<\/p>\n

Y cyfeiriad ar gyfer y rhai sy’n dymuno postio eu darn clytwaith yw: Swyddfa Eisteddfod Gerddorol Ryngwladol Llangollen, y Pafiliwn Rhyngwladol Brenhinol, Ffordd yr Abaty, Llangollen LL20 8SW
\nOs oes gennych unrhyw gwestiynau ffoniwch 01978 862000 neu anfonwch e-bost at info@llangollen.net<\/a>.<\/p>\n

Esiamplau o ddarnau clytwaith:<\/p>\n\n\t\t