Bydd s\u0175n cyfareddol y sitar yn creu cyffro mewn g\u0175yl ryngwladol pan fydd Anoushka Shankar, sydd wedi cael ei enwebu am saith gwobr Grammy, yn perfformio yng Nghymru am y tro cyntaf erioed.
\nBydd Shankar yn cymryd rhan yn Eisteddfod Gerddorol Ryngwladol Llangollen am 8pm nos Wener, Gorffennaf 8, ac mae tocynnau ar werth yn awr wrth i\u2019r digwyddiad baratoi i ddathlu ei 75 mlwyddiant.
\nDysgwyd hi sut i chwarae\u2019r offeryn gan ei thad, y cerddor chwedlonol Ravi Shankar, a fu\u2019n perfformio gyda\u2019r Beatles.
\nBu\u2019r tad a\u2019r ferch yn gweithio gyda George Harrison i greu\u2019r albwm nodedig, Chants of India, ond mae Anoushka wedi cael gyrfa ryfeddol ym myd cerddoriaeth byd yn ei rhinwedd ei hun.
\nMae\u2019r cerddor Saesneg-Indiaidd-Americanaidd wedi cydweithio ag artistiaid gan gynnwys Sting, Herbie Hancock, Jeff Beck a\u2019i hanner chwaer, Norah Jones.
\nMae hi wedi perfformio yn y BBC Proms a Glastonbury ac wedi ennill llu o ddilynwyr ledled y byd, ond Eisteddfod Llangollen yw ei hymddangosiad cyntaf erioed yng Nghymru a dywed ei bod yn edrych ymlaen yn eiddgar at berfformio yn yr \u0175yl.
\nY syniad gwreiddiol ar gyfer sefydlu Eisteddfod Llangollen ar \u00f4l yr Ail Ryfel Byd, oedd cynnal digwyddiad cerddorol a allai hybu addysg a heddwch rhyngwladol ac ewyllys da ac mae\u2019r rhain yn bethau sy\u2019n agos iawn at galon Shankar.
\nMeddai: \u201cRoedd fy nhad, Ravi Shankar, yn credu\u2019n gryf yn y cysyniad o heddwch trwy gerddoriaeth ac ers fy mhlentyndod rwyf wedi profi ansawdd trawsnewidiol cerddoriaeth.
\n\u201cMae\u2019n teimlo fel y gall cymdeithas gyfan anghofio sut mae buddsoddi amser, ymdrech, arian ac egni yn y celfyddydau mewn gwirionedd yn gallu \u2018codi\u2019 cymdeithas gyfan a dod i gysylltiad \u00e2 heddwch.\u201d
\nMae Shankar ei hun wedi perfformio\u2019n aml mewn cyngherddau dyngarol ac yn 2018 cychwynnodd ar daith fer o\u2019r Unol Daleithiau er mwyn helpu i godi arian ar gyfer y sefydliad dielw, Help Refugees.
\nYn fwy diweddar, mae hi wedi troi ei doniau sylweddol at ysgrifennu sgorau ffilm, gan gynnwys y gerddoriaeth ar gyfer y gyfres, A Suitable Boy, a addaswyd o nofel Vikram Seth, a arweiniodd at enwebiad am wobr Ivor Novello.
\n\u201cRwy\u2019n gweld y syniad o gyfansoddi ar gyfer cyfryngau gweledol yn fwy diddorol ar \u00f4l degawdau o deithio ac ysgrifennu albymau,\u201d meddai.
\n\u201cMae\u2019n sicr yn denu cynulleidfa newydd a gwahanol ond mae hefyd yn gofyn am rywbeth gwahanol gennyf i fel cerddor sy\u2019n heriol ac yn rhoi boddhad i mi.\u201d
\nMae g\u0175yl Llangollen wedi ennill ei phlwyf fel cyrchfan i berfformwyr cerddoriaeth byd, felly mae ymddangosiad Shankar yn gweddu\u2019n naturiol.
\nMae\u2019r rhaglen gyda\u2019r hwyr yn dathlu etifeddiaeth ei thad, yn ogystal \u00e2 chynnwys trefniannau cerddorfaol o waith eclectig Anoushka ei hun.
\nBydd hi\u2019n ymuno \u00e2\u2019r offerynnwr taro, y chwaraewr Hang a\u2019r cyfansoddwr o Awstria Manu Delago. sydd wedi cydweithio gyda Bj\u00f6rk, ynghyd \u00e2 llinynnau\u2019r Britten Sinfonia, am noson sy\u2019n addo mynd \u00e2\u2019r gynulleidfa ar daith wyllt a chyfriniol.
\n\u201cRwy\u2019n hoff iawn o gydweithio gyda Manu,\u201d meddai Shankar. \u201cMae\u2019n gerddor gwych a hefyd fe wnaethon ni ysgrifennu llawer o ganeuon gyda\u2019n gilydd dros y blynyddoedd, felly mae cael eu perfformio eto gydag ef, flynyddoedd ar \u00f4l i ni eu chwarae gyda\u2019n gilydd am y tro cyntaf, yn bleser pur.\u201d
\nDywed fod ei cherddoriaeth bob amser yn esblygu a gall y gynulleidfa yn Llangollen ddisgwyl rhai dehongliadau newydd ar gyfer ei pherfformiad cyntaf yng Nghymru.
\n\u201cMae\u2019n anodd dewis ffefrynnau ond yng nghyd-destun trefniadau hyfryd Jules Buckley ar gyfer cerddorfa rwyf wrth fy modd yn clywed y fersiwn hon o \u2018Land of Gold\u2019 yn dod yn fyw,\u201d ychwanegodd Shankar.
\n\u201cMae\u2019n anhygoel clywed c\u00e2n a ddechreuodd fel deuawd, yna c\u00e2n, yn tyfu ar draws tannau cerddorfaol.\u201d
\nBu\u2019n rhaid canslo\u2019r \u0175yl, a helpodd i lansio gyrfaoedd y s\u00ear opera Luciano Pavarotti a Syr Bryn Terfel, yn 2020 am yr unig dro ers ei sefydlu oherwydd y pandemig coronafeirws.
\nYn 2021 llwyfannwyd yr \u0175yl ar ffurf rithwir, gyda pherfformiadau\u2019n cael eu ffrydio ar-lein, ond eleni mae\u2019r wledd o gerddoriaeth a dawns yn \u00f4l yn y dref lle mae \u201cCymru\u2019n croesawu\u2019r byd\u201d.
\nMae paratoadau eisoes ar y gweill ar gyfer g\u0175yl eleni, sy\u2019n dechrau ar ddydd Iau, Gorffennaf 7 ac yn gorffen gyda Llanfest ar ddydd Sul, Gorffennaf 10, pan fydd yr eisteddfod yn ymuno \u00e2 G\u0175yl Ymylol Llangollen.
\nYn ystod y digwyddiad pedwar diwrnod, bydd llu o atyniadau a gweithgareddau newydd ar y safle awyr agored ar ei newydd wedd, gan gynnwys cerddoriaeth, dawns, sgyrsiau, comedi, bwyd, diod, siopa, gweithdai ac adloniant pop-yp.
\nBydd y cystadlaethau\u2019n cyrraedd uchafbwynt ar y nos Sadwrn gyda Ch\u00f4r y Byd, a chystadleuaeth Llais Rhyngwladol y Dyfodol Pendine, sy\u2019n cynnwys cantorion ifanc gorau\u2019r byd.<\/p>","protected":false},"excerpt":{"rendered":"