Mae perfformiwr sy\u2019n adnabyddus am ei chyfnodau disglair yn y West End ac ar Broadway yn gobeithio rhoi cynnig ar redeg trwy brydferthwch Dyffryn Dyfrdwy pan fydd yn serennu yn Eisteddfod Gerddorol Ryngwladol Llangollen yr haf hwn.<\/p>\n
Bydd Kerry Ellis \u2013 sy\u2019n cael ei hadnabod fel Brenhines y West End ar \u00f4l chwarae rhan flaenllaw mewn sioeau o My Fair Lady i We Will Rock You ac o Les Miserables i Wicked \u2013 yn cymryd i\u2019r llwyfan yn un o gyngherddau mawr Wythnos Graidd yr Eisteddfod ddydd Iau 4 Gorffennaf.<\/p>\n
Bydd hi’n perfformio ochr yn ochr \u00e2 seren theatr gerdd arall, John Owen-Jones, yn Direct from the West End ac mae’n dweud ei bod hi’n methu aros i gyrraedd Llangollen ac, fel rhedwr brwd, efallai dod o hyd i amser i redeg trwy gefn gwlad yr ardal leol.<\/p>\n
\u201cFe wnes i fy hanner marathon cyntaf llynedd a bydda\u2019 i\u2019n cyrraedd yr ardal y diwrnod cyn y cyngerdd, felly gobeithio bydda i\u2019n cael y cyfle i redeg ychydig ar y \u00a0bryniau ger y dref,\u201d meddai.<\/p>\n
Wedi\u2019i henwi fel Prif Fonesig sioeau cerdd y West End, daeth Kerry i enwogrwydd yn 2002 pan enillodd r\u00f4l Meat yng nghast gwreiddiol We Will Rock You yn Llundain, r\u00f4l y cafodd ei dewis yn arbennig gan Syr Brian May ei hun.<\/p>\n
Gan gymryd rhai o rolau mwyaf theatr gerdd, mae hi wedi ennill nifer o wobrau ar hyd y ffordd.<\/p>\n
Mae hi hefyd wedi recordio pedwar albwm stiwdio, ac wedi teithio\u2019r byd fel artist unigol a gyda\u2019i ffrind da Syr Brian.<\/p>\n
Meddai: \u201cRwyf wedi bod i Eisteddfod Llangollen o\u2019r blaen yn 2016 pan ymddangosais mewn cyngerdd nos theatr gerdd gyda\u2019r gr\u0175p canu Calabro, a mwynheais yn fawr.<\/p>\n
\u201cRwy\u2019n edrych ymlaen gymaint i ddod yn \u00f4l eto a pherfformio gyda John Owen-Jones, sy\u2019n hen ffrind i mi, a cherddorfa o berfformwyr o\u2019r radd flaenaf o\u2019r West End. Dylai fod yn noson wych.<\/p>\n
\u201cFe fyddwn ni\u2019n perfformio cyfuniad o ganeuon o\u2019r sioeau rydyn ni\u2019n dau wedi bod ynddynt, fel Les Miserables a Wicked, a heb os bydd John yn gwneud rhywbeth o Phantom of the Opera a ffefrynnau adnabyddus eraill.\u201d<\/p>\n
Yn yr Eisteddfod, bydd Kerry yn camu ar yr un llwyfan ag un arall o\u2019i hen bartneriaid deuawd a ffefryn Llangollen, Alfie Boe. Bu\u2019n gweithio gydag ef ar ei albwm stiwdio gyntaf un ac mae\u2019n ei gofio\u2019n annwyl fel \u201cdyn gwych\u201d.<\/p>\n
Mae hi hefyd wedi gweithio o\u2019r blaen gyda Chyfarwyddwr Artistig yr Eisteddfod, Dave Danford, a dywed ei bod wrth ei bodd y bydd yn oruchwyliwr cerddorol ar Direct from the West End.<\/p>\n
Yn fuan ar \u00f4l ei hymddangosiad yn Llangollen bydd Kerry yn mynd ar daith 40 dyddiad ledled y DU. Yn y cyfamser, mae\u2019n dweud ei bod yn edrych ymlaen yn fawr at ddod i Langollen sydd, yn ei geiriau hi, wrth galon Gwlad y G\u00e2n.<\/p>\n
Mae Direct from the West End, o dan y cyfarwyddwr cerdd Iestyn Griffiths, hefyd yn cynnwys rownd derfynol cystadleuaeth Llais y Theatr Gerdd, a fydd wedi bod yn rhedeg drwy wythnos yr Eisteddfod.<\/p>","protected":false},"excerpt":{"rendered":"