Mae cantores glasurol dalentog o Wcr\u00e1in y cafodd ei bywyd ei rhwygo gan ymosodiad milwrol Rwsia yn gobeithio ailddechrau ei gyrfa mewn cystadleuaeth fawreddog yng ngogledd Cymru.<\/p>\n
Mae’r soprano Khrystyna Makar ymhlith 27 o gantorion o bob cwr o’r byd a fydd yn cystadlu i ddod yn Llais Rhyngwladol y Dyfodol Pendine yn Eisteddfod Ryngwladol Llangollen ym mis Gorffennaf.<\/p>\n
Mi wnaeth Khrystyna ffoi o’i mamwlad sydd wedi’i rhwygo gan ryfel gyda’i dau fab ifanc, Denys, sydd bellach yn 20 oed, a Lukian, 15 oed, yn 2022, gan adael ei g\u0175r, Volodimir, a’i rhieni yn eu dinas enedigol Lviv.<\/p>\n
Erbyn hyn mae Khrystyna, sy’n byw yn Shotton, yn Sir y Fflint, ymhlith 25 o gantorion o bob cwr o’r byd sy’n cystadlu am y wobr nodedig.<\/p>\n
Bydd hi’n wynebu cystadleuwyr o UDA, Tsieina a De Affrica yn ogystal \u00e2 Chymru a Lloegr.<\/p>\n
Unwaith eto, mae’r gystadleuaeth rhuban glas yn cael ei noddi gan y sefydliad gofal sy’n caru’r celfyddydau, Parc Pendine, drwy Ymddiriedolaeth Celfyddydau a Chymunedol Pendine (PACT) sy’n cefnogi mentrau diwylliannol a chymunedol ledled Cymru.<\/p>\n
Bydd enillydd yn derbyn Tlws Pendine gan y seren opera Syr Bryn Terfel, ynghyd \u00e2 siec o \u00a33,000 tra bydd y sawl sy\u2019n dod yn ail yn derbyn \u00a31,000.<\/p>\n
Ond yn gyntaf bydd yn rhaid i’r cystadleuwyr gymryd rhan mewn rownd ragbrofol ac yna rownd gynderfynol cyn i’r ddau olaf gymryd rhan yn y rownd derfynol fel rhan o gyngerdd olaf yr Eisteddfod ar nos Sul, Gorffennaf 13.<\/p>\n
Mae’n cael ei gynnal ar yr un noson \u00e2 chyngerdd gan Syr Bryn a fydd yn perfformio’r holl ganeuon o’i albwm diweddaraf, Sea Songs, a bydd The Fisherman’s Friends, y gr\u0175p gwerin o Borth Isaac, Cernyw, a’r gantores werin Gymreig Eve Goodman yn ymuno gydag ef.<\/p>\n
Cyn ymosodiad byddin Vladimir Putin yn 2022 roedd Khrystyna yn gantores glasurol lwyddiannus a oedd wedi perfformio ledled ei gwlad enedigol ac yn Ewrop mewn neuaddau cyngerdd yn yr Almaen, Awstria, y Swistir a Sgandinafia.<\/p>\n
Ar \u00f4l cyrraedd y DU bu Khrystyna yn byw i ddechrau yn Llangrannog, yng Ngheredigion, ac yna yn Aberystwyth cyn ymgartrefu yn Shotton. Ers hynny mae Khrystyna wedi ceisio cadw ei gyrfa gerddorol ar y trywydd iawn ac er mor anodd fu hynny mae’n gobeithio y bydd cystadlu yn Llangollen yn helpu.<\/p>\n
Mae Khrystyna yn gobeithio y gall y digwyddiad roi hwb i’w chyfleoedd canu yn y DU ac yn y cyfamser mae’n gwneud teithiau adref i weld ei g\u0175r a’i theulu.<\/p>\n
Mae hi newydd ddychwelyd o ymweliad a gyd-darodd ag ymosodiad gan daflegrau Rwsia ar floc o fflatiau yn Kyiv, prifddinas Wcr\u00e1in,.<\/p>\n
Cafodd deuddeg o bobl eu lladd yn yr ymosodiad ac anafwyd dros 80 ac meddai Khrystyna: “Mae’n anodd ond mae pobl yn dal i geisio cadw i fynd.<\/p>\n
“Roedd hi’n adeg y Pasg felly roedden ni’n gallu dathlu gyda fy ng\u0175r a\u2019m rhieni – dydyn ni ddim yn colli ein traddodiadau hyd yn oed yn yr amseroedd hyn.<\/p>\n
“Mae Lviv yng ngorllewin y wlad felly mae’n eithaf pell o’r rhyfel ond weithiau mae taflegrau yn dod i lawr yno. Mae pob man yn beryglus ond mae pobl yn dal i geisio adeiladu eu bywydau.<\/p>\n
“Mae cael eich gwahanu oddi wrth eich teulu yn anodd ond mae’n rhaid i chi fod yn gryf.<\/p>\n
“Rydyn ni’n bobl gyfeillgar iawn ac rydym yn ddiolchgar iawn am y gefnogaeth rydyn ni wedi’i gael gan bobl Cymru a Lloegr.”<\/p>\n
Mae llwyddiant parhaus y gystadleuaeth yn fiwsig i glustiau perchennog Parc Pendine, Mario Kreft MBE a’i wraig, Gill, a gafodd y syniad yn 2013 ac erbyn hyn mae\u2019n rhan rheolaidd o raglen yr Eisteddfod.<\/p>\n
Mae cystadleuaeth 2025 yn fwy arbennig i’r cwpl oherwydd bod Pendine yn dathlu ei ben-blwydd yn 40 eleni.<\/p>\n
Dywedodd Mario: “Mae safon y cystadleuwyr yn y blynyddoedd diwethaf wedi bod yn hollol syfrdanol a does gen i ddim amheuaeth y bydd yr un mor anhygoel o uchel eto eleni.<\/p>\n
“Yn ogystal \u00e2 chael y cyfle i ddangos eu talent, bonws ychwanegol i’r cystadleuwyr eleni fydd y wefr o ymddangos ar yr un llwyfan \u00e2 Syr Bryn Terfel, cawr go iawn o’r byd opera.”<\/p>\n
Dywedodd cyfarwyddwr artistig Eisteddfod Llangollen, Dave Danford: “Dyma un o gystadlaethau pwysicaf yr Eisteddfod ac mae pobl yn dod yma oherwydd gallent fod yn gwylio a gwrando ar rywun a fydd yn dod yn enw cyfarwydd yn y byd cerddorol.<\/p>\n
“I’r cystadleuwyr mae’r cyfle i rannu llwyfan gyda Syr Bryn Terfel yn rhywbeth arbennig \u2013 mae’n wobr ynddo’i hun.<\/p>\n
“Mae Mario a Gill Kreft wedi bod yn ffrindiau da iawn i’r Eisteddfod dros flynyddoedd lawer ac rydym yn ddiolchgar iawn iddyn nhw.<\/p>\n
“Bydd dau enillydd blaenorol, Eirlys Myfanwy Davies, o Sir Benfro, a enillodd yn 2017 a Shimona Rose, a enillodd yn 2024, yn ymddangos yn unawdwyr ar nos\u00a0 Fercher, Gorffennaf 9, yng nghyngerdd Karl Jenkins i nodi 80 mlynedd ers sefydlu’r Cenhedloedd Unedig a fydd yn cynnwys perfformiad o’i waith enwog ‘One World’ gan g\u00f4r torfol o leisiau rhyngwladol.”<\/p>\n
Ychwanegodd Syr Bryn Terfel: “Mae cystadleuaeth Llais y Dyfodol Rhyngwladol Pendine yn gyfle gwych i gantorion ifanc talentog wneud eu marc a rhoi man cychwyn go iawn ar gyfer gyrfaoedd newydd ar y llwyfan byd-eang.”<\/p>","protected":false},"excerpt":{"rendered":"