![\"Noah](\"https:\/\/i0.wp.com\/news.limearchive.org.uk\/wp-content\/uploads\/2016\/03\/Noah-Stewart-1.jpg?resize=263%2C300&ssl=1\")
n Quirk.<\/p>\nCyhoeddwyd y bydd un o denoriaid gorau\u2019r byd yn ymddangos ar lwyfan gyda\u2019r seren canu clasurol Katherine Jenkins OBE yn Eisteddfod Gerddorol Ryngwladol Llangollen,.<\/p>\n
Dyma fydd trydydd ymddangosiad Noah Stewart yn Llangollen mewn pedair blynedd wrth iddo baratoi i ymuno \u00e2\u2019r mezzo soprano o Gymru ar y llwyfan mewn addasiad cyngerdd o opera Georges Bizet, Carmen.<\/p>\n
Mae Stewart, sy\u2019n hanu o Harlem, Efrog Newydd, yn edrych ymlaen yn arw i berfformio ochr yn ochr \u00e2 Katherine wrth iddi bortreadu Carmen y sipsi danllyd, yn Llangollen, sydd yn lle \u2018arbennig\u2019 iddo ac yn un o\u2019i hoff leoliadau cyngerdd.<\/p>\n
<\/p>\n
Ar noson agoriadol yr \u0175yl eleni ar nos Fawrth, 5 Gorffennaf, bydd yn chwarae prif ran Don Jos\u00e9 gyferbyn \u00e2 Katherine.<\/p>\n
Dywedodd Stewart: \u201cRydw i mor gyffrous ac mae am fod yn noson ragorol, ac mae Katherine yn gantores ardderchog ac yn berson gwirioneddol brydferth.<\/p>\n
\u201cRydym wedi gweithio gyda\u2019n gilydd o\u2019r blaen. Mi wnaethon ni ganu yn Proms Glasgow dri haf yn \u00f4l, ac rwy\u2019n meddwl i ni ganu cyfres o ddeuawdau ar y noson olaf. Mae ganddi lais anhygoel ac mae\u2019n ferch mor ddisglair a thalentog<\/p>\n
Mae uchafbwyntiau eraill g\u0175yl eleni – y 70ain ers iddi ddechrau yn 1947 – yn cynnwys y seren bas bariton Bryn Terfel a\u2019r tenor enwog Joseph Calleja ar ddydd Iau, 7 Gorffennaf, ynghyd \u00e2 Jools Holland a\u2019i Gerddorfa Rhythm & Blues sy\u2019n dod a\u2019r llen i lawr ar yr \u0175yl gyda pharti hwyliog ar ddydd Sul 10 Gorffennaf.<\/p>\n
Bydd cyngerdd nos Fercher yn ddathliad o theatr gerdd gyda Kerry Ellis, brenhines y g\u00e2n ar lwyfannau\u2019r West End, a Collabro a enillodd Britain\u2019s Got Talent yn 2014.<\/p>\n
Yn ymuno \u00e2 nhw fydd doniau Academi Theatr Gerddorol Glasgow, CBC Voices o Brifysgol Cymru Y Drindod Dewi Sant a Cherddorfa Opera Genedlaethol Cymru dan arweiniad John Quirk.<\/p>\n
Bydd cyngerdd nos Wener, Calon Llangollen, yn arddangos y gorau o\u2019r cystadleuwyr rhyngwladol, a bydd hefyd yn cynnwys cystadleuaeth y Pencampwyr Dawns a Swae Carnifal y Carib\u00ee.<\/p>\n
Daw\u2019r cystadlu i ben ar nos Sadwrn gyda chystadleuaeth enwog C\u00f4r y Byd pan fydd corau amrywiol yn ymgiprys am Dlws Pavarotti. Ar y noson hefyd bydd y gynulleidfa yn cael ei diddanu gan y gr\u0175p lleisiol poblogaidd, The Swingles.<\/p>\n
Mae Stewart yn hen gyfarwydd \u00e2 chwarae rhan Don Jos\u00e9.<\/p>\n
Dywedodd: \u201cRwyf wedi chwarae Don Jos\u00e9 fwy nag unrhyw ran arall ar hyd fy ngyrfa, o leiaf 36 gwaith. Rwyf newydd gwblhau taith 16 diwrnod ledled y DU gyda Scottish Opera gan chwarae\u2019r union ran yma.<\/p>\n
\u201cMae\u2019n gymeirad gwych i\u2019w chwarae a\u2019i berfformio ac mae Don Jos\u00e9 yn rhywun mor gymhleth sy\u2019n syrthio dros ei ben a\u2019i glustiau mewn cariad \u00e2\u2019r ferch sipsi hudolus a rhywiol yma. Mae\u2019n stori drasig o driongl serch, ac mae\u2019r opera wedi cael ei pherfformio fwy o weithiau nag unrhyw un arall.<\/p>\n
\u201cRwy\u2019n credu bod pobl yn uniaethu mor hawdd gyda Carmen, Don Jos\u00e9 a\u2019r Toreador deniadol Escamillo.<\/p>\n
\u201cMae\u2019n mynd i fod yn noson arbennig Rwy\u2019n credu bod pawb yn gyfarwydd \u00e2 Ch\u00e2n y Blodau o Carmen, mae\u2019n un o\u2019r ari\u00e2u operatig mwyaf enwog. Ac mae Don Jos\u00e9 yn ffigwr mor drasig; mae\u2019n rhan anhygoel.\u201d<\/p>\n
Meddai K![\"Shot02_139B](\"https:\/\/i0.wp.com\/news.limearchive.org.uk\/wp-content\/uploads\/2015\/07\/Shot02_139B-photo-credit-Chloe-Mallet-1-200x300.jpg?resize=200%2C300&ssl=1\")
atherine Jenkins: \u201cRwy\u2019n edrych ymlaen yn fawr gan fod y rhan yn un yr wyf wedi bod eisiau ei chanu ers amser. Astudiais Carmen yn yr Academi Gerdd Frenhinol cyn i mi raddio a chan fy mod yn mezzo soprano, dyma yw fy hoff opera.<\/p>\n
\u201cRwyf bob amser wedi siarad am wneud hyn a dyma fydd y tro cyntaf y bydd fy nilynwyr yn gallu clywed yr holl arias mewn un noson.<\/p>\n
\u201cRwyf fel arfer yn cynnwys sawl aria operatig yn fy nghyngherddau, ond dw i erioed wedi perfformio holl arias un opera arbennig mewn un cyngerdd.<\/p>\n
\u201cMae Carmen yn gymeriad mor wych ac mae\u2019n un o\u2019r oper\u00e2u mwyaf poblogaidd. Mae\u2019n mynd i fod yn noson arbennig, ac yn rhywbeth rwy\u2019n gobeithio y bydd pawb yn edrych ymlaen yn eiddgar ato ac rwyf i\u2019n bersonol yn teimlo\u2019n gyffrous iawn i ddod n\u00f4l i Langollen am y digwyddiad cofiadwy yma.\u201d<\/p>\n
Mae Stewart wrth ei fodd o gael dychwelyd i Langollen, a dywed ei bod yn fan lle mae pawb yn siarad yr un iaith – iaith cerddoriaeth.<\/p>\n
Dywedodd: \u201cRydych yn cyfarfod \u00e2 phobl nad ydych erioed wedi eu cyfarfod o\u2019r blaen, pobl o ben draw\u2019r byd, ond eto i gyd rydych yn rhannu cariad arbennig at gerddoriaeth.<\/p>\n
\u201cRwyf bob amser yn cael yr argraff bod pobl yn edmygu, parchu ac yn caru ei gilydd yn Llangollen a cherddoriaeth yw\u2019r glud sy\u2019n clymu pobl at ei gilydd. Mae pawb yn Llangollen yn enillydd.\u201d<\/p>\n
Mae cyfarwyddwr cerdd yr \u0175yl, Eilir Owen Griffiths, wrth ei fodd bod Noah Stewart yn dychwelyd i Langollen ac yn ymddangos ochr yn ochr \u00e2 Katherine.<\/p>\n
Meddai: \u201cMae hon yn argoeli bod yn noson anhygoel o gerddoriaeth i\u2019r rhai sy\u2019n ddigon ffodus i fod yn y gynulleidfa.<\/p>\n
\u201cMae cael Katherine Jenkins OBE a Noah Stewart ar lwyfan gyda\u2019i gilydd yn dipyn o bluen yn het yr Eisteddfod, byddent yn\u00a0 deilwng o lenwi unrhyw un o neuaddau cyngerdd mwyaf y byd.\u201d<\/p>\n
\u201cMae gennym hefyd rai artistiaid gwych fydd yn ymuno gyda Katherine a Noah ar y llwyfan. Bydd y bariton Adam Gilbert yn chwarae rhan El Dancairo a bydd Lukask Karauda yn chwarae rhan Escamillo.<\/p>\n
\u201cMae gennym hefyd y mezzo soprano o Gymru Caryl Hughes, Aberdaron yn chwarae rhan Mercedes a\u2019r tenor Trystan Griffiths, sy\u2019n hanu o Glunderwen, Sir Benfro fydd El Remenado.<\/p>\n
\u201cBydd cerddorfa Opera Genedlaethol Cymru, dan arweiniad baton Anthony Inglis, a lleisiau C\u00f4r Cytgan Clwyd o Ruthun yn ychwanegu at yr hyn fydd yn si\u0175r o fod yn noson hudolus o gerddoriaeth a drama.\u201d<\/p>","protected":false},"excerpt":{"rendered":"