![\"AzPlb3Qhg150rA3WdUj74mwMZQg74ydJ_BC45jw66Tc,Ke9D6uyORf8UNoKDCGUSO7oTgPOwM-PQ6HFAMK4nyFY,n3aZSdMm9xapBMg_dbdat2YpNwpzRoxZayz4-7Dow8s\"](\"https:\/\/i0.wp.com\/news.limearchive.org.uk\/wp-content\/uploads\/2016\/04\/AzPlb3Qhg150rA3WdUj74mwMZQg74ydJ_BC45jw66TcKe9D6uyORf8UNoKDCGUSO7oTgPOwM-PQ6HFAMK4nyFYn3aZSdMm9xapBMg_dbdat2YpNwpzRoxZayz4-7Dow8s.jpg?resize=335%2C224&ssl=1\")
\nMae un o grwpiau lleisiol enwocaf y byd sydd wedi rhoi rhywfaint o sbarc cerddorol i\u2019r gyfres deledu boblogaidd Sex and the City ar ei ffordd i ogledd Cymru.<\/p>\n
Mae gr\u0175p enwog y Swingles wedi bod yn difyrru cynulleidfaoedd ledled y byd ers 1962 a bydd cantorion presennol y gr\u0175p yn ymddangos ar y llwyfan yn ystod cystadleuaeth fawreddog C\u00f4r y Byd yn Eisteddfod Gerddorol Ryngwladol Llangollen ar ddydd Sadwrn, 9 Gorffennaf.<\/p>\n
Bydd y cantorion acapella yn artistiaid gwadd yn ystod y gystadleuaeth ar gyfer tlws Pavarotti a enwyd i anrhydeddu\u2019r tenor Eidalaidd chwedlonol a ddechreuodd ei yrfa ganu gyda ch\u00f4r ei dad yn Llangollen yn 1955, gan ddychwelyd fel seren ryngwladol 40 mlynedd yn ddiweddarach a rhoi perfformiad ysgubol ar lwyfan yr \u0175yl.<\/p>\n
Mae\u2019r Swingles hefyd wedi ymddangos ar nifer o draciau sain rhaglenni teledu a ffilmiau nodedig, gan gynnwys Sex and the City, Glee, Grey\u2019s Anatomy a Milk.\u201d<\/p>\n\n
Ffurfiwyd y Swingles yn wreiddiol ym Mharis yn 1962 gan y canwr Americanaidd a\u2019r cerddor jazz Ward Swingle.<\/p>\n
Chwalodd y gr\u0175p Ffrengig yn 1973 a symudodd Ward Swingle i Lundain lle recriwtiodd gantorion newydd a lansio Swingles II cyn newid yr enw i The Swingles.<\/p>\n
Dywedodd Cyfarwyddwr Cerdd yr Eisteddfod, Eilir Owen Griffiths: \u201cMae cystadleuaeth C\u00f4r y Byd bob amser yn frwydr ddwys rhwng corau anhygoel o ansawdd arbennig.<\/p>\n
\u201cY llynedd aeth y wobr gyntaf i Weriniaeth Iwerddon am y tro cyntaf wrth i G\u00f4r Prifysgol Maynooth roi perfformiad gwefreiddiol i gipio tlws Pavarotti, ac yn 2014 aeth y brif wobr i Estudio Coral Meridies o\u2019r Ariannin.<\/p>\n
\u201cEleni rydym yn gwybod bod gennym rai corau o safon gwirioneddol uchel yn cystadlu yn Llangollen, gan gynnwys pedwar c\u00f4r gwahanol iawn o Galiffornia ynghyd \u00e2 chorau o Awstralia, Seland Newydd, Lithwania, De Affrica, Norwy a gweddill Ewrop ac wrth gwrs Cymru.\u201d<\/p>\n
Ychwanegodd: \u201cMae\u2019n mynd i fod yn noson arbennig ac rwyf wrth fy modd ein bod yn medru croesawu\u2019r Swingles i Langollen, ac rwy\u2019n edrych ymlaen at eu clywed yn perfformio.<\/p>\n
\u201cRoedd Ward Swingle yn athrylith cerddorol a fu farw y llynedd ac roedd hynny\u2019n rheswm pam fy mod\u00a0 yn awyddus i wahodd y Swingles i berfformio yma eleni fel teyrnged iddo.\u201d<\/p>\n
\u201cMae\u2019r gr\u0175p o saith canwr acapella sy\u2019n rhan o\u2019r Swingles presennol yn anhygoel, a byddant yn gweddu\u2019n berffaith i gystadleuaeth C\u00f4r y Byd. Mae\u2019n addo bod yn noson wych a hudolus na ddylid ei cholli.\u201d<\/p>\n
Mae\u2019r tenor uchel Oliver Griffiths, sydd wedi bod gyda\u2019r gr\u0175p ers 2010, yn edrych ymlaen at berfformio yn Eisteddfod Gerddorol Ryngwladol Llangollen gan fod y gr\u0175p yn hoff iawn o berfformio mewn cyngherddau yng Nghymru.<\/p>\n
Dywedodd: \u201cBydd ymddangos yng Ng\u0175yl Gerdd Ryngwladol Llangollen yn brofiad gwych i\u2019r gr\u0175p cyfan ac mae\u2019n dod ar ddiwedd misoedd reit ddwys.\u201d<\/p>\n
\u201cByddwn bob amser yn perfformio beth fyddai\u2019r gynulleidfa yn disgwyl ei glywed mewn cyngerdd Swingles. Bydd Bach a Debussy bob amser yn rhan bwysig o unrhyw un o\u2019n cyngherddau. Ond rydym hefyd yn mwynhau treulio amser yn cyfansoddi a threfnu ein cerddoriaeth eu hunain.<\/p>\n
\u201cRydym wrth ein boddau yn perfformio i gynulleidfaoedd gwybodus yng Nghymru ac rwy\u2019n si\u0175r ein bod yn mynd i gael noson wych yn perfformio yn Llangollen, ac rydym i gyd yn awyddus i weld cystadleuaeth C\u00f4r y Byd, sydd mor uchel ei pharch ymysg corau o bedwar ban byd.<\/p>\n
Mae\u2019n mynd i fod yn noson anhygoel, hwyliog ac yn fwy na dim yn ddathliad o gerddoriaeth hyfryd. Edrychwn ymlaen at eich gweld chi yno!\u201d![\"5ar9lUXSEBJDxJmnHHKnzZ0,YPa9OQWyQMTshDqezJXNhrb2r5D2Vk2_YqgMfTHSm14,tnRHIXpSlVFL2kbOlI0wrOBz9jBm_2uYrBfuJ9Mwu1E,UfkWqSk7MHnJjWB01b6FI6rUNwwiZCDSXU4Nzjfgk_o\"](\"https:\/\/i0.wp.com\/news.limearchive.org.uk\/wp-content\/uploads\/2016\/04\/5ar9lUXSEBJDxJmnHHKnzZ0YPa9OQWyQMTshDqezJXNhrb2r5D2Vk2_YqgMfTHSm14tnRHIXpSlVFL2kbOlI0wrOBz9jBm_2uYrBfuJ9Mwu1EUfkWqSk7MHnJjWB01b6FI6rUNwwiZCDSXU4Nzjfgk_o.jpg?resize=405%2C270&ssl=1\")
<\/p>\n
Mae tocynnau ar gyfer cyngherddau\u2019r Eisteddfod eleni, fydd yn cychwyn ar ddydd Mawrth, 5 Gorffennaf, yn gwerthu\u2019n dda, yn enwedig y tocynnau ar gyfer y noson agoriadol pryd bydd y seren ddawnus Katherine Jenkins yn cychwyn y rhaglen trwy ganu Carmen gan Bizet.<\/p>\n
Dydd Mercher fydd Diwrnod Rhyngwladol y Plant a bydd yn cynnwys cystadlaethau corawl a dawns a hefyd cystadleuaeth newydd yr unawd dan 16 oed a bydd y cyngerdd gyda\u2019r nos yn rhoi llwyfan i Leisiau Theatr Gerdd a seren y West End Kerry Ellis.<\/p>\n
Bydd y digymar Bryn Terfel yn serennu yng Nghyngerdd Gala y 70ain Eisteddfod ar y nos Iau gyda\u2019r tenor nodedig o Malta Joseph Calleja. tra bydd gweithgareddau dydd\u00a0 Iau yn cynnwys coroni C\u00f4r Plant y Byd,<\/p>\n
Bydd dydd Gwener yn dathlu Rhythmau\u2019r Byd ac yn wledd o gerddoriaeth a dawns gan y goreuon o gystadleuwyr rhyngwladol yr Eisteddfod gan gyrraedd uchafbwynt gyda chystadleuaeth Pencampwyr Dawns y Byd gyda\u2019r hwyr.<\/p>\n
Bydd y cyngerdd yn agor gyda Swae Carnifal y Carib\u00ee, ac i ddilyn hynny bydd y neges Heddwch Ryngwladol yn cael ei thraddodi gan Theatr yr Ifanc, Rhosllannerchrugog.<\/p>\n
Mewn newid i\u2019r amserlen bydd dydd Gwener hefyd yn gweld Gorymdaith y Cenhedloedd, dan arweiniad Llywydd yr Eisteddfod, Terry Waite a fydd yn symud o\u2019i ddydd Mawrth arferol oherwydd bod disgwyl torfeydd mwy a rhagor o gystadleuwyr i ddod i\u2019r Eisteddfod.<\/p>","protected":false},"excerpt":{"rendered":"