Eisteddfod Gerddorol Ryngwladol Llangollen yw\u2019r gyntaf i ennill gwobr newydd bwysig i\u2019r rhai sy\u2019n hyrwyddo heddwch a dealltwriaeth ryngwladol.<\/p>\n
Bydd Gwobr Heddwch Rhyngwladol y Rotari\u2019n cael ei ddyfarnu bob blwyddyn gan Ardal 1180 y Rotari, ar y cyd gyda\u2019r Eisteddfod.<\/p>\n
Ac mae\u2019r aelod arweiniol o\u2019r mudiad Rotari sydd wedi cael y syniad o\u2019r wobr newydd yma yn dweud na allai hi feddwl am unrhyw un mwy haeddiannol i gael y wobr na\u2019r Eisteddfod ei hunan. Eleni mae\u2019r Eisteddfod yn dathlu 70 mlynedd o hyrwyddo heddwch a chytgord ar draws y byd trwy gerddoriaeth a\u2019r celfyddydau.<\/p>\n
<\/p>\n
Dim ond ers ychydig y penodwyd Molly Youd yn llywodraethwr ar yr ardal anferth hon o\u2019r Rotari. Mae’n cynnwys o Southport yn y gogledd i Ganolbarth Cymru yn y de ac o Ynys M\u00f4n yn y gorllewin i Crewe a Nantwich yn y dwyrain. Dyma\u2019r tro cyntaf i ferch fod yn dal y swydd hon.<\/p>\n
Mae Molly\u2019n byw yn Rhostyllen ger Wrecsam a dywedodd hi: \u201cRydw i\u2019n caru\u2019r Eisteddfod ac wedi bod yn gyfrifol am babell y Rotari ar faes yr \u0175yl am y 15 mlynedd diwethaf.<\/p>\n
\u201cDyma sut daeth y syniad i mi o sefydlu\u2019r wobr heddwch ar y cyd gyda\u2019r Eisteddfod, am fod gennym ni\u2019r un syniadau am heddwch a dealltwriaeth ryngwladol.<\/p>\n
\u201cGan fod yr Eisteddfod wedi cyrraedd 70 mlynedd eleni roeddem ni\u2019n meddwl ei bod yn briodol rhoi\u2019r cyntaf o\u2019r gwobrwyon i\u2019r \u0175yl hon, am ei bod wedi gwneud cymaint er mwyn heddwch dros yr holl flynyddoedd hynny.\u201d<\/p>\n
Mae\u2019r wobr newydd yn olygus ac yn droedfedd o dal, wedi\u2019i gwneud o wydr. Cafodd ei chyflwyno gan Eve Conway, Llywydd Rotari Rhyngwladol Prydain Fawr ac Iwerddon, i Gadeirydd yr Eisteddfod, Dr Rhys Davies a\u2019r Llywydd Terry Waite yn ystod cyngerdd nos Wener. Roedd y cyngerdd hwnnw, o\u2019r enw Calon Llangollen, yn cynnwys strafagansa o garnifal y Carib\u00ee, pencampwriaethau dawns a\u2019r gystadleuaeth Cerddor Ifanc.<\/p>\n
Ychwanegodd Molly: \u201cHeblaw am fod yn gyfrifol am stondin y Rotari rydw i hefyd wedi cael yr anrhydedd o fod yn Llysgennad Swyddogol Llangollen am y chwe blynedd diwethaf, ac roeddwn i wedi meddwl am ddechrau ar y wobr gryn amser yn \u00f4l.<\/p>\n
\u201cBydd y wobr yn cael ei dyfarnu bob blwyddyn, i unigolyn neu gorff proffil uchel sydd wedi gwneud fwyaf yn ystod y flwyddyn i hyrwyddo achos heddwch y byd ac ateb gwrthdaro.<\/p>\n
\u201cMae Cymdeithas Ddysgedig Cymru wedi cytuno i\u2019n helpu ni a\u2019r Eisteddfod i ganfod rhai addas i gael y wobr. Cafodd y Gymdeithas hon ei sefydlu ym Mai 2010 gyda\u2019r nod o hyrwyddo dysgu ac ysgolheictod ar draws y wlad.<\/p>\n
\u201cRydw i\u2019n credu y gall y Rotari a\u2019r Eisteddfod gael budd o\u2019n partneriaeth newydd ni, ac i mi mae creu\u2019r wobr yn cyflawni breuddwyd oedd gen i ers amser hir.<\/p>\n
\u201cRoedd yn gymaint o anrhydedd cael gwylio cyflwyno\u2019r wobr am y tro cyntaf i\u2019r Eisteddfod yn ystod y cyngerdd. Roedd hefyd yn briodol iawn mewn nifer o ffyrdd oherwydd, heblaw am fod yr \u0175yl yn dathlu 70 mlynedd eleni, mae hefyd yn ganmlwyddiant Sefydliad y Rotari, sef yr elusen sydd gennym ni ein hunain. Mae yn ogystal yn 30 mlwyddiant cael merched yn aelodau o\u2019r Rotari, a 10 mlwyddiant Gwobr Dinesydd Ifanc y Rotari, sydd hefyd yn cael ei chyflwyno\u2019n flynyddol.<\/p>\n
Roedd Cadeirydd yr Eisteddfod, Dr Rhys Davies, yn croesawu creu\u2019r wobr newydd a dywedodd ei bod yn anrhydedd cael derbyn yr un gyntaf ar ran yr \u0175yl.<\/p>\n
Dywedodd: \u201cMae\u2019r bartneriaeth rhwng yr Eisteddfod a\u2019r Rotari\u2019n cysylltu dau sy\u2019n gweddu\u2019n berffaith i\u2019w gilydd am fod y ddau ohonom yn gweithio i hyrwyddo heddwch a dealltwriaeth yn y byd.<\/p>\n
\u201cRoedd yn hyfrydwch pur i mi glywed bod y Rotari wedi penderfynu cyflwyno\u2019r cyntaf o\u2019r gwobrau hyn i\u2019r Eisteddfod, ac rydw i\u2019n falch iawn a\u2019i gweld yn anrhydedd mawr cael ei derbyn.<\/p>\n
\u201cRydw i\u2019n sicr y bydd y wobr newydd yn dod yn fwyfwy pwysig yn y dyfodol.\u201d<\/p>","protected":false},"excerpt":{"rendered":"