Fe gafodd cannoedd o blant ysgol gyfle i weld perfformiad cerddorol unigryw yn Eisteddfod Gerddorol Ryngwladol Llangollen eleni, gan hefyd ddysgu sut i ddiogelu eu hunain.<\/p>\n
Camodd masgot yr elusen blant blaenllaw NSPCC, y deinosor \u2018Pantosaurus\u2019, ar y prif lwyfan ddydd Mawrth (3ydd Gorffennaf) i hyrwyddo ymgyrch \u2018PANTS\u2019 i ddisgyblion o tua 45 o ysgolion.<\/p>\n
Ers lansio pedair blynedd yn \u00f4l, mae\u2019r ymgyrch wedi galluogi mwy na 400,000 o rieni ledled Prydain i drafod camdriniaeth rywiol gyda\u2019u plant. Pwrpas PANTS yw dysgu plant bod eu corff yn eiddo iddyn nhw, bod ganddyn nhw\u2019r hawl i ddweud \u2018na\u2019 ac i beidio bod ag ofn dweud wrth rywun maen nhw\u2019n ymddiried ynddynt os ydyn nhw\u2019n poeni am rywbeth.<\/p>\n
<\/p>\n
Yn Saesneg, mae\u2019r gair PANTS yn golygu:<\/p>\n
P – Privates are private<\/p>\n
A – Always remember your body belongs to you<\/p>\n
N – No means no<\/p>\n
T – Talk about secrets that upset you<\/p>\n
S – Speak up, someone can help<\/em><\/p>\n Mae Pantosaurus yn ymddangos mewn animeiddiad ffilm Cymraeg a Saesneg gan Aardman – y cwmni tu \u00f4l i raglenni Morph, Wallace & Gromit a Shaun the Sheep – sydd ar gael ar wefan yr NSPCC, lle gellir hefyd ddarganfod a lawrlwytho adnoddau i rieni.<\/p>\n Fe wnaeth y deinosor hoffus berfformio can \u2018PANTS\u2019 ar Lwyfan y Byd yn Eisteddfod Gerddorol Ryngwladol Llangollen ddydd Mawrth, o flaen tua 2,700 o blant oedd yn ymweld \u00e2\u2019r \u0175yl ar gyfer Diwrnod y Plant, a noddwyd gan NSPCC Cymru.<\/p>\n Diwrnod y Plant yw diwrnod cyntaf Eisteddfod Gerddorol Ryngwladol Llangollen, lle cynhelir ddiwrnod o weithgareddau hwylus i bobl ifanc, gan gynnwys cyflwyniad y Neges Heddwch, oedd eleni yn nodi canrif ers diwedd y Rhyfel Byd Cyntaf.<\/p>\n Yn ogystal \u00e2 pherfformio a dysgu can PANTS ar y llwyfan, fe wnaeth yr NSPCC gynnal gweithdai ar y thema oedd yn cynnwys creu lein ddillad ar draws y llwyfan o ddillad isaf wedi\u2019u creu gan blant. Cafodd y gweithdai eu cefnogi gan gr\u0175p o fyfyrwyr Gofal Plant o Goleg Cambria, wedi i\u2019r coleg Cymreig ddewis yr NSPCC fel elusen i gefnogi yn 2017- 2018.<\/p>\n Yn \u00f4l Alan Peterson, Cadeirydd Bwrdd Ap\u00eal Cymru\u2019r NSPCC:<\/p>\n \u201cMae\u2019n hanfodol bod ein plant yn gwybod sut i aros yn ddiogel. Ac mae\u2019n fonws os ydyn nhw\u2019n medru cael hwyl wth ddysgu sut.<\/p>\n \u201cRydym yn ddiolchgar i Eisteddfod Gerddorol Ryngwladol Llangollen am roi cyfle i ni berfformio ar y prif lwyfan o flaen gymaint o blant ar Ddiwrnod y Plant, a noddir gan NSPCC Cymru.<\/p>\n \u201cFe gr\u00ebwyd ymgyrch PANTS gan yr NSPCC er mwyn gwneud trafod y pwnc anodd hwn yn llai brawychus ac anghyffyrddus i deuluoedd, ac i gyrraedd gymaint o bobl ag sy\u2019n bosib. Mae\u2019r elusen yn parhau i ddatblygu ffyrdd newydd i Pantosaurus helpu pobl ifanc i ddiogelu eu hunain rhag camdriniaeth.\u201d<\/p>\n Ychwanegodd Cadeirydd Eisteddfod Gerddorol Ryngwladol Llangollen, Rhys Davies: \u201cRoeddem yn falch iawn o groesawu Pantosaurus i Langollen ar gyfer Diwrnod y Plant ar ddydd Mawrth, Gorffennaf 3ydd. Yn ogystal \u00e2 chynnig gweithdy hwylus i bobol ifanc, mae ymgyrch yr NSPCC yn gyfle gwych i addysgu plant am beryglon camdriniaeth rywiol.<\/p>\n \u201cMae\u2019r Eisteddfod Ryngwladol yn hyrwyddo trafodaethau o bynciau pwysig fel hyn, yn ogystal \u00e2 helpu pobl ifanc i fyw yn fwy diogel yn y gymdeithas.\u201d<\/p>\n Atgyfnerthir pwysigrwydd ymgyrch PANTS gan ymchwil gan yr NSPCC, sydd wedi datgelu bod disgwyl i un ym mhob 20 o blant ysgol ddioddef o ryw ffurf o gamdriniaeth rywiol.<\/p>\n Ac fe wnaeth arolwg diweddar gan YouGov, a gomisiynwyd gan yr NSPCC, ddangos bod 92% o rieni i blant rhwng pedair ag wyth oed yn meddwl ei bod yn bwysig siarad gyda\u2019u merched a\u2019u meibion am gamdriniaeth rywiol.<\/p>\n Ar ol cyflwyno PANTS i gannoedd o blant ar ddiwrnod agoriadol yr Eisteddfod Gerddorol, fe fydd NSPCC Cymru hefyd yn ymddangos yng Nghanolfan Harmoni’r \u0175yl ddydd Sadwrn (7fed Gorffennaf) ar gyfer Diwrnod y Teulu. Yno, bydd yr elusen yn dosbarthu pecynnau gweithgaredd a gwybodaeth i rieni.<\/p>\n Mae Eisteddfod Gerddorol Ryngwladol Llangollen yn cael ei chynnal bob blwyddyn yn ystod wythnos gyntaf mis Gorffennaf, yn nhref brydferth Llangollen, gogledd Cymru. Mae\u2019n cynnig chwe diwrnod o gerddoriaeth a dawnsio gwerin gorau\u2019r byd, mewn cyfuniad unigryw o gystadlaethau, perfformiadau, heddwch a chyfeillgarwch rhyngwladol. Eleni, roedd y lein-yp ardderchog yn cynnwys perfformiadau gan Kaiser Chiefs, Van Morrison ac Alfie Boe.<\/p>","protected":false},"excerpt":{"rendered":"